Rapunzel Con Piollos (infantil E Xuvenil - Pequeno Merlín -

Descripción

Rapunzel con piollos (INFANTIL E XUVENIL - PEQUENO MERLÍN - Albums) Reseña del editor Rapunzel pasa o tempo na súa torre protexida de calquera perigo: bruxas malvadas, ogros, lobos... O que non espera é ser atacada polas criaturas máis silandeiras: os piollos! Estes bichiños multiplícanse rapidamente na súa longa melena, e non hai remedio contra eles. Nin a limpeza de Brancaneves e os seus ananos, nin o raio conxelador da Raíña das Neves, tampouco o enxeño de Garavanciño. Os piollos construíron unha cidade no seu cabelo e non pensan marchar. Como ha facer para liberarse deles? Biografía del autor Miguel López O Hematocrítico é autor de varios blogs humorísticos de éxito e continúa espallando a súa fama en Twitter. Leva colaborado en numerosos medios de comunicación. Ademais, é escritor e mestre de Educación Infantil, Inglés e Primaria. En Xerais publicou os libros «Feliz feroz. O lobiño riquiño» (2016), «Axente Riciños» (2016) e «O lobo con botas» (2018), ilustrados por Alberto Vázquez; «Rapunzel con piollos» (2019), «Alcaldesa vermella» (2020), «Vaia cabuxiño!» (2021) e «Axente Riciños. Misión Princesa» (2022), ilustrados por Mar Villar; e «A media hora dos recreos» (2020) e «Campións do mundo» (2020), ilustrados por Albert Monteys. En 2021 nace en Xerais a serie Os Hematiños, ilustrada por Alberto Vázquez, que leva catro títulos publicados: «Un can» (2021), «O meu irmono» (2021), «Gaivota gourmet» (2022) e «Oso banda» (2022).Mar Villar (Alacant, 1984) é ilustradora infantil. Estudou Belas Artes, primeiro en Altea e despois en Salamanca. Foi entón cando se lle cruzou a ilustración no camiño e viu claro a que quería dedicarse. En 2009 obtivo un accésit nos premios INJUVE, que a animou a preparar un portafolio e mudarse a Madrid coa intención de ensinalo. Cos anos foi abríndose camiño e actualmente traballa principalmente ilustrando libros infantís. En Xerais, ilustrou «Rapunzel con piollos» (2019), «Alcaldesa Vermella» (2020), «Vaia cabuxiño!» (2021) e «Axente Riciños, Misión Princesa» (2022) e a serie Os Minimortos, cos títulos: «Benvidos ao Outro Barrio» (Xerais 2020), «Criando malvas» (Xerais 2021), «Escola de salvaxes» (Xerais 2021), «O Día dos Vivos» (Xerais 2021) e «Ai, que risa!» (2022).Anaír Rodríguez (Vigo, 1978) licenciouse en Filoloxía Galega pola Universidade de Vigo e traballa dende hai anos como editora, o que compaxina co activismo a prol da lectura na asociación Espazo Lectura, da que é socia fundadora. É coautora de diversos materiais de ensino da lingua galega, tradutora de obras da literatura infantil e xuvenil e autora dos álbums «Pioneiras. Galegas que abriron camiño» (Xerais 2018), ilustrado por Nuria Díaz, e «Pioneiras 2. Galegas que abriron camiño» (Xerais 2019), con ilustracións de Abi Castillo.