Xenaro E O Misterio Da Mochila Verde (infantil E Xuvenil - M

Descripción

Xenaro e o misterio da mochila verde (INFANTIL E XUVENIL - MERLÍN - De 11 anos en diante) Reseña del editor A Xenaro Conese Maiúsculo o que máis lle gusta é xogar coas palabras e ler. Tamén lle gustan os xogos de computador, o xadrez, os cómics, os documentais e a música...; porén, pode parecer un bicho raro porque tamén lle encanta facer de detective e resolver misterios dos que se producen no Universal, o seu colexio. Xirando arredor da amizade e os seus modelos e xogando coa linguaxe e o humor, esta novela de Mar Guerra, gañadora do Premio Merlín de Literatura Infantil 2008, ilustrada por Fernando Llorente, foi definida polo xurado como "un trhiller psicolóxico" que desenvolve unha historia cotián de rapaces e rapazas dun centro escolar. Unha viaxe fascinante ao mundo dos nenos e nenas de hoxe. Biografía del autor Mar Guerra (Madrid, 1963), vive na Coruña dende 1987. Xornalista de profesión, ten traballado para diferentes medios galegos tanto en xornais como en axencias. Na actualidade desenvolve a súa carreira profesional en Mastress Comunicación. No ano 2008 gaña o Premio Merlín de literatura infantil con "Xenaro e o misterio da mochila verde" máis tarde publica na colección Merlín "Xenaro e a hucha do indiano" ,"Señor Meco" e "Xenaro e a negra sombra" e en 2016 "Norteáns" na colección Fóra de xogo.Fernando Llorente (As Palmas de Gran Canaria, 1954), reside dende hai máis de vinte anos na Coruña. A partir de 1980 comezou a traballar para revistas como El Europeo ou Vogue; é entón cando decide dedicarse máis profesionalmente á ilustración. Nesa época tamén realizou traballos para diversas publicacións da Comunidade de Madrid e para a Revista de Occidente. Hoxe dedica o seu tempo á ilustración editorial dende o estudio Baobab, na Coruña.